Բաքվում ռուսներ են ձերբակալվել․ հայերի անուն են տվել
Բաքվում ռուսներ են ձերբակալվել․ հայերի անուն են տվել
Hraparak.am-ը գրում է․ Ադրբեջանի պետական անվտանգության ծառայությունը հատուկ գործողություն է իրականացրել և Բաքվում ձերբակալել ռուս զբոսաշրջիկների։
Ըստ այդ երկրի ԱԱԾ հաղորդագրության, «հայերի խնդրանքով ռուս կանայք փողի դիմաց Բաքվի Շեհիդների (պատերազմի նահատակների-խմբ,) ծառուղում մի քանի լուսանկար են արել «Խայտառակ» հայկական ազգայնական խմբի տարբերանշանով»։
Աղջիկներն, իբր, մանրամասնել են, թե ինչպես են իրենց մոլորեցրել ու համոզել լուսանկարներ անել։
«Պարզվել է, որ սադրանքը կազմակերպել են «Խայտառակ» հայկական արմատական տելեգրամյան ալիքի հիմնադիր-ադմինիստրատորներ Գուրգեն Թորոսյանը, Սարգիս Հարությունյանը, Իգոր Հակոբջանյանը և Արթուր Մարտիրոսյանը, որոնք բնակվում են Ռուսաստանի տարբեր քաղաքներում«,-ասված է հաղորդագրության մեջ։
