Բազմամարդ ցույցեր Վրաստանում. իրավիճակը լարված է
Բազմամարդ ցույցեր Վրաստանում. իրավիճակը լարված է
Վրաստանի խորհրդարանի մոտ՝ Թբիլիսիի կենտրոնում, այսօր ևս շարունակվում է բողոքի ցույցը, չնայած իշխանությունները որոշել են հետ կանչել «օտարերկրյա գործակալների» վերաբերյալ օրինագծերը։
Խորհրդարանի շենքին հարակից Ռուսթավելի պողոտան արգելափակվել է, իսկ օրենսդիր մարմնի դիմացի հրապարակը լի է հազարավոր մարդկանցով։
Վրաստանի ՆԳՆ-ն հայտնել է, որ մարտի 7-8-ին խորհրդարանի շենքի դիմաց ձերբակալված բոլոր ցուցարարներն այժմ ազատ են արձակվել։
Ավելի վաղ կառույցից հայտնել էին, որ բերման է ենթարկվել 133 ցուցարար։
Նշենք, որ քիչ առաջ Վրաստանի խորհրդարանը մերժեց «Օտարերկրյա գործակալների» վիճահարույց օրինագիծը, որը վերջին օրերին բողոքի ցույցերի և ընդհարումների առիթ է դարձել:
Խորհրդարանն առաջին ընթերցմամբ ընդունել է նախագիծը, սակայն երկու օր տևած լայնածավալ ցույցերից հետո «Վրացական երազանք» իշխող կուսակցությունը որոշել է այն այլևս չքննարկել:
