Արտակարգ դեպք Երևանում․ 911 ահազանգ է ստացվել, որ «ՍԱՍ Ֆուդ կորտ»-ի տանիքից ծուխ է նկատվում․ ժամանել են մեծ թվով հրշեջներ
Արտակարգ դեպք Երևանում․ 911 ահազանգ է ստացվել, որ «ՍԱՍ Ֆուդ կորտ»-ի տանիքից ծուխ է նկատվում․ ժամանել են մեծ թվով հրշեջներ
Shamshyan.com-ը գրում է․ Այսօր՝ դեկտեմբերի 31-ին, արտակարգ դեպք է տեղի ունեցել Երևանում։ Ժամը 18։50-ի սահմաններում Արտակագ իրավիճակների նախարարության Փրկարար ծառայության 911 ճգնաժամային կառավարման կենտրոն ահազանգ է ստացվել, որ Արշակունյաց պողոտայում գործող «ՍԱՍ Ֆուդ կորտ»-ի տանիքից ծուխ է նկատվում:
Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել են Երևանի հրշեջ-փրկարարական ջոկատներից մի քանի մարտական հաշվարկ։
Ժամանել են նաև ՀՀ ոստիկանության Պարեկային ծառայության Երևանի գնդի 3-րդ գումարտակի պարեկները, ովքեր սահմանազատել են տարածքը։
Պարզվել է, որ հրդեհ է բռկվել «ՍԱՍ Ֆուդ կորտ»-ի ծխատար խողովակում։
Բարեբախտաբար տուժածներ չկան։
