Աննա Հակոբյանը ներկա է գտնվել Արմենակ Ուրֆանյանի ծննդյան 30-ամյակին նվիրված հավաքույթին
ՀՀ վարչապետի տիկին Աննա Հակոբյանը ներկա է գտնվել Արմենակ Ուրֆանյանի ծննդյան 30-ամյակին նվիրված հավաքույթին: Այս մասին Հակոբյանը ֆեյսբուքյան իր էջում լուսանկարներ է հրապարակել՝ կից գրելով.
«Տիկին Համեստի հրավերով երեկոյան ներկա եմ գտնվել «Բանակի տղայի»՝ կապիտան Արմենակ Ուրֆանյանի ծննդյան 30-ամյակին նվիրված հավաքույթին»:
Աննա Հակոբյանը ներկա է գտնվել նաև Արմենակ Ուրֆանյանի անվան դահլիճի բացման արարողությանը:
Հայրենիքի պաշտպանի վերականգնողական կենտրոնում հերոսների անունով սրահների բացումն ավանդույթ է դարձել: Արդեն գործում են Ռոբերտ Աբաջյանի և Արմենակ Ուրֆանյանի անունները կրող սրահները։
Կենտրոնի հաջորդ մարտահրավերը Քյարամ Սլոյանի և Անդրանիկ Զոհրաբյանի անվամբ սրահի կառուցումն է:
