Այնապիսի ողբալի մակարդակի ենք հասել, որ մեկ տասնամյակում հայոց լեզուն չի յուրացվում պատշաճ․ Պետրոս Ղազարյան
Այնապիսի ողբալի մակարդակի ենք հասել, որ մեկ տասնամյակում հայոց լեզուն չի յուրացվում պատշաճ։ Հաղորդավար, լրագրող Պետրոս Ղազարյանը ֆեյսբուքյան իր էջում գրել է.
«Երիտասարդ դաշնակցականները պահանջում են Արայիկ Հարությունյանի հրաժարականը։ Ի թիվս այլ պատճառների նշվում է բուհական ծրագրում Հայոց լեզու, Հայ գրականություն և Հայոց պատմություն առարկաների ոչ պարտադիր դարձնելու առաջարկը։
Իսկ այս առարկաները պարտադիր են դարձել, որովհետև մեր հանրակրթությունն այնապիսի ողբալի մակարդակի է հասել, որ մեկ տասնամյակում այդ առարկաները չեն յուրացվում պատշաճ։
Հավանաբար երիտասարդության պատճառով մեր դաշնակ պարմանները չեն հիշում, որ նախարարներն ու փոխնախարարներն են մեր հանրակրթության համար երկար տարիներ պատասխանատու եղել»։
