Ալավերդիում շենքերից քարեր են թափվել (ֆոտո)
Ալավերդիում շենքերից քարեր են թափվել (ֆոտո)
Այսօր տեղի ունեցած երկրաշարժը զգացվել է Շիրակի, Լոռու, Արագածոտնի մարզերում 4-5 բալ ուժգնությամբ և Երևան քաղաքում 3 բալ ուժգնությամբ:
Սոցիալական ցանցերում օգտատերերը լուսանկարներ են տեղադրում տեղի ունեցած փլուզումներից:
Օգտատեր Հրաչյա Պապիկյանը մի քանի լուսանկար է տեղադրել Ալավերդի քաղաքից:
Նշենք, որ Գյումրիում քարաթափման դեպքեր են գրանցվել վթարային շենքերում։ Այս մասին հայտնել է Շիրակի մարզպետ Նազելի Բաղդասարյանը իր ֆեյսբուքյան էջում։
«Երկրաշարժը Շիրակի մարզում մեծ ուժգնությամբ զգացվել է Գյումրիում՝ բնակելի շենքերում, ինչպես նաեւ Աշոցքի տարածաշրջանում: Աշոցք համայնքի ղեկավար Կարեն Մանուկյանի փոխանցմամբ` այս պահի դրությամբ արձանագրված փլուզումներ չկան։
Շիրակի մարզային փրկարարական վարչության պետ Ալեքսան Գյոզալյանի փոխանցմամբ` Գյումրիում ևս փլուզման ահազանգեր չեն եղել։ Գյումրիում մասնակի քարաթափման դեպքեր են գրանցվել վթարային շենքերում, մասնավորապես՝ Անտառավան 26 շենքում։ ԱԻՆ աշխատակիցները տեղում են»։
