Մերկելը լքում է կանցլերի պաշտոնը ռոք-աստղ Նինա Հեյգենի երգի հնչյունների ներքո (Տեսանյութ)

Մերկելը լքում է կանցլերի պաշտոնը ռոք-աստղ Նինա Հեյգենի երգի հնչյունների ներքո (Տեսանյութ)

Անգելա Մերկելը պաշտոնապես կլքի Գերմանիայի կանցլերի պաշտոնը հաջորդ շաբաթ, սակայն հրաժեշտի արարողությունը երեկ Բեռլինում արդեն տեղի է ունեցել՝ զինվորական նվագախմբի երաժշտության ներքո։ Երաժշտությունը Մերկելն է ընտրել և, ի թիվս 2 այլ ստեղծագործության, ընտրել է գերմանացի հայտնի պանկ-ռոքեր Նինա Հեյգենի երգը, գրում է «Հայկական ժամանակը»:

Ճիշտ է, Մերկելի ընտրած երգը ոճով պանկ-ռոք չէ, այլ ավելի շուտ մեղեդիական վաղ փոփ հիթ՝ «Du hast den Farbfilm vergessen»-ը («Դուք մոռացել եք ձեր գունավոր ֆիլմը»):

Գերմանիայում առաջատար քաղաքական գործիչներին ավանդաբար ճանապարհում են իրենց թոշակի անցնելու համար Grosser Zapfenstreich կոչվող արարողությամբ, որը հին զինվորական գիշերային արարողակարգ է՝ այժմ վերածված երթային նվագախմբի կամ նվագախմբով շքեղ շքերթի:

Մեղեդիները պատվիրում են արարողակարգի հերոսները, իսկ Մերկելի ընտրությունը շատ է զվարճացրել ու հիացրել գերմանացիներին։

Մերկելը, իր իսկ խոսքերով, շատ է սիրում երաժշտություն, բայց հիմնականում՝ դասական։ Օրինակ՝ նա պարբերաբար մեկնում է Բայրոյթ՝ հայտնի Ռիչարդ Վագների երաժշտական փառատոնին: Ուստի Նինա Հեյգենի երգի ընտրությունն անակնկալ է եղել հանրության համար։

Մյուս երկու ստեղծագործությունները բավականին ավանդական են. 1968 թվականի Für mich ռոմանտիկ երգը՝ դերասանուհի Հիլդեգարդ Քնեֆի Soll’s rote Rosen regnen («Ինձ համար կարմիր վարդերով պետք է անձրև լինի») և 18-րդ դարի սաղմոս:

Բայց Նինա Հեյգենի երգը շատ ավելի նման է երթի, քան այս երկու ստեղծագործությունները: Թեև նվագախմբի դիրիժոր, փոխգնդապետ Ռայնհարդ Կյաուկան մամուլին ավելի վաղ ասել էր, որ իրենք չունեն ո՛չ Հեյգեն, ո՛չ էլ Քնեֆ պարտիտուրներ, սակայն, ի վերջո, առաջադրանքը գլուխ է բերվել:

Տեսանյութը ստորև