«Դու լրագրող ես, ոչ թե շուկայի լկտի կնիկ». Կիրկորովը՝ Մարգարիտա Սիմոնյանին

«Դու լրագրող ես, ոչ թե շուկայի լկտի կնիկ». Կիրկորովը՝ Մարգարիտա Սիմոնյանին

Ռուս հայտնի աստղ Ֆիլիպ Կիրկորովը հանդես է եկել ի պաշտպանություն Մաքսիմ Գալկինի և կոշտ արտահայտվել RT գործակալության գլխավոր խմբագիր Մարգարիտա Սիմոնյանի հասցեին։

«Դառնություն եմ ապրում, երբ տեսնում եմ մարդկանց խարանումը, ովքեր այնքան էլ համաձայն չեն, հալածում են այլընտրանքային տեսակետ ունեցող, տարբեր հայացքներով, կամ պարզապես վախեցած մարդկանց»,- ասում է Ֆիլիպ Կիրկորովը Instagram-ում իր հրապարակած տեսանյութում։

«Դո՛ւք, վհուկների որսորդներ, միայն խորացնում եք ներքին խզումը։ Հասարակ ժողովուրդն այժմ պարտավոր է համախմբվել, կոչ անել՝ համատեղ հաղթահարելու բոլոր դժբախտությունները։ Եվ դուք սկսում եք փտել: Եվ դրանից հետո ո՞վ կդիմի ձեզ: Այս մեթոդներով դուք նմանվում եք նրանց, ում հետ կռվում եք։

Մարգարիտա Սիմոնյանը Սոլովյովի հաղորդումներից մեկում խոսեց իմ գործընկերների՝ Մաքսիմ Գալկինի և Ալլա Պուգաչովայի մասին։ Դու մո՞մ էիր պահում՝ որ այդպես հրապարակայնորեն նվաստացնում ես մարդուն և նրա ընտանիքը:

Ինչպե՞ս պետք է Ալլայի և Մաքսիմի երեխաները նայեն ձեզ: Ինչպե՞ս պետք է նայեն իրենց հայրենիքին, որտեղ կատաղածները ծնողների հասցեին նման բաներ են բղավում։ Ինչպե՞ս եք համարձակվում հրապարակայնորեն նվաստացնել մարդկանց։ Ո՞վ է քեզ իրավունք տվել։

Մարգարիտա, դու մեր երկրի խոսափողի գլխավոր խմբագիրն ես։ Դուք իրավունք չունեք տարաձայնություն սերմանելու։ Դուք լրագրող եք, ոչ թե շուկայի լկտի կնիկ, որ ասեկոսեներ ու բամբասանքներ է տարածում:

Ես ապրում եմ սկզբունքով՝ արա այնպես, ինչպես ուզում ես, որ քեզ հետ վարվեն։ Եվ ես հիմա վստահ չեմ, որ չեն լինի մարդիկ, ովքեր ցանկանում են փորել ու դուրս շպրտել ձեր կեղտոտ լվացքը հանրային դատարանում։ Իսկ մեղքեր բոլորն ունեն»:

Կիրկորովն ասաց, որ այժմ Ռուսաստանից հեռանում են մեծ մասնագետներ, և Սիմոնյանի նման մարդիկ դժվարացնում են նրանց՝ հայրենիք վերադառնալը։

«Դադարեցրեք կտորներ կտրել մեր հասարակությունից։ Կմնա միայն մեկ կմախք, որի վրա նրանք հաճույքով կպարեն…»,- եզրափակել է Կիրկորովը։

Տեսանյութը ստորև