Դանակահարություն Կոտայքի մարզում․ հայր և որդի վիճաբանել են հարևանի հետ, վերջինս դանակահարել է որդուն

Դանակահարություն Կոտայքի մարզում․ հայր և որդի վիճաբանել են հարևանի հետ, վերջինս դանակահարել է որդուն

Օգոստոսի 9-ին, կեսգիշերն անց, ոստիկանության Հրազդանի բաժնում հաղորդում ստացվեց «Հրազդան» բժշկական կենտրոնից. «որովայնի կտրած-ծակած վերքեր» ախտորոշմամբ բուժօգնության էր տեղափոխվել Կոտայքի մարզի Մեղրաձոր գյուղի բնակիչ, 21-ամյա մի երիտասարդ:

Հրազդանի բաժնի և Ծաղկաձորի բաժանմունքի քրեական հետախույզների համատեղ ձեռնարկած միջոցառումների արդյունքում ստացվեց օպերատիվ տվյալ, որ հիվանդանոցային հաղորդումից մոտ կես ժամ առաջ Մեղրաձոր գյուղում տուժած երիտասարդն ու նրա 53-ամյա հայրը կենցաղային հարցերի շուրջ վիճաբանել են 49-ամյա համագյուղացու հետ, փոխադարձ հարվածներ հասցրել, և այդ ընթացքում էլ համագյուղացին դանակահարել է երիտասարդին:

դանակահարություն

Հանցագործության գործիքը հայտնաբերվել է:

Հաղորդումից մոտ երկու ժամ անց հայտնաբերվեց նաև դանակահարողը: Նա ձերբակալվեց և տեղափոխվեց ոստիկանության Հրազդանի բաժին։

Վեճի պատճառն ու դեպքի հանգամանքները նախաքննությամբ պարզվում են:

Տեսանյութը ստորև