«Անհնար է մի փոքր գոնե ինձ նման չլինի». Սիլվա Հակոբյանի դստեր ատամհատիկի լուսանկարները

«Անհնար է մի փոքր գոնե ինձ նման չլինի». Սիլվա Հակոբյանի դստեր ատամհատիկի լուսանկարները։

BRAVO.am-ը գրում է․ Սիլվա Հակոբյանի ընտանիքը երեկ Երեւանի մանկական սրճարաններից մեկում մտերիմների շրջապատում տոնել է փոքրիկ Միլայի ատամհատիկը։

Երգչուհին տրամադրել է միջոցառման լուսանկարներն ու նշել, որ աղջիկը տնտեսագետի մասնագիտությունն է ընտրել։

Սիլվա Հակոբյան

«Երկու շաբաթ առաջ մայրիկս նկատեց, որ Միլաս իր առաջին ատամիկն է ծակել: Որոշեցինք յոթ ամսականը լրանալու օրը կազմակերպել նաեւ ատամհատիկի արարողությունը։

Նախապատրաստական աշխատանքներում քույրս է ինձ օգնել։ Շատ ուրախ երեկո անցկացրինք՝ երգեցինք, պարեցինք եւ խաղացինք»,- պատմել է Սիլվան։

Սիլվա Հակոբյան

Երգչուհին ուրախ է դստեր ընտրությամբ. «Շատ լավ մասնագիտություն է ընտրել, դրանից հետո բարձրախոս էլ վերցրեց՝ աստիճանաբար մոտենալով իմ աշխատանքին:

Հոգուս խորքում հանգիստ եմ. անհնար է մի փոքր գոնե ինձ նման չլինի։ Երբեմն մտածում եմ նրա երգչուհի դառնալու մասին, բայց ավելի շատ կցանկանամ՝ ապագա տղաս իմ ուղին ընտրի:

Այս ոլորտում տղաների համար ավելի հեշտ է, քան՝ աղջիկների»։

Սիլվա Հակոբյան
Սիլվա Հակոբյան

Աղբյուր՝ bravo.am