ԱԺ նախագահի վարորդները նախազգուշացվել են

ԱԺ նախագահի վարորդները նախազգուշացվել են

Հայաստանի Հանրապետության կառավարության սահմանած առկայծող փարոսիկներով կահավորման ենթակա տրանսպորտային միջոցներով կատարված և տեխնիկական միջոցներով հայտնաբերված իրավախախտումների գործերով վարչական վարույթ չի հարուցվում, այս մասին հաղորդագրություն է տարածել ՀՀ ԱԺ նախագահի մամուլի խոսնակ Ծովինար Խաչատրյանը՝ անդրադառնալով մի շարք լրատվամիջոցների՝ ՀՀ ԱԺ նախագահ Ալեն Սիմոնյանի մեքենային առնչվող տեսանյութի վերաբերյալ հարցերին:

«Եւս մեկ անգամ հիշեցնեմ, որ ՀՀ ԱԺ նախագահը տվյալ պահին մեքենայում չի եղել: Այնուամենայնիվ, Ազգային ժողովի նախագահի կողմից վարորդները նախազգուշացվել են, որ բացառությամբ խիստ անհրաժեշտության՝ մնացած նմանատիպ բոլոր խախտումների կրկնության դեպքում կազատվեն աշխատանքից»,- նշված է հաղորդագրության մեջ:

Նշենք, որ համացանցում տեսանյութ է տարածվել, որում երևում է, թե ինչպես է ԱԺ նախագահ Ալեն Սիմոնյանի ավտոմեքենան չնախատեսված վայրում շրջադարձ կատարում։

Տեսանյութը ստորև