Ազգային Ժողովի ՔՊ խմբակցության պատգամավոր Սիսակ Գաբրիելյանը դիմել է ոստիկանություն

Ազգային Ժողովի ՔՊ խմբակցության պատգամավոր Սիսակ Գաբրիելյանը դիմել է ոստիկանություն

Shamshyan.com-ի տեղեկություններով, ոստիկանության Քանաքեռ-Զեյթունի բաժնում նյութեր են նախապատրաստվում ՀՀ Ազգային Ժողովի գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Սիսակ Գաբրիելյանի ահազանգի փաստով:

Ինչպես հայտնում է ֆոտոլրագրող Գագիկ Շամշյանը, վերջինս հայտնել է, որ Հայաստանի գեղասահքի ֆեդերացիայի նախագահ Մելանյա Ստեփանյանն՝ իր պաշտոնական դիրքն օգտագործելով, ֆեդերացիայի տարեկան հաշվետվտության պետական բյուջեից որպես պատրվակ օգտագործելով մարզական հավաքը, 2020 թվականին յուրացրել է խոշոր չափի գումար:

Գ. Շամշյանի տեղեկություններով, գումարի չափը կազմում է մոտ 3 մլն դրամ:

Shamshyan.com-ը պատրաստ է ներկայացնելու Մ. Ստեփանյանի տեսակետը՝ հարցի վերաբերյալ:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: