Ադրբեջանը մեծ ուժեր է կուտակում Նախիջևանի սահմանին

Ադրբեջանը մեծ ուժեր է կուտակում Նախիջևանի սահմանին

Ադրբեջանում լայնամաշտաբ զորավարժություններ են սկսվել, որին մասնակցելու են տարբեր նշանակության զորքերի ստորաբաժանումներ ու միավորումներ։ Այս մասին հայտարարում են ադրբեջանական ԶԼՄ-ները։

Ըստ հաղորդագրության՝ զորավարժություններում ներգրավված են մինչև 15 հազար զինվորականներ, մինչև 300 տանկեր ու զրահամեքենաներ, տարբեր տրամաչափի 400 հրթիռային ու հրետանային մարտկոցներ, համազարկային ռեակտիվ համակարգեր, 50 միավոր ավիացիա ու անօդաչու թռչող սարքեր։

Այսօր հրապարակված կադրերում զինվորական անձնակազմն ու տեխնիկան փոխադրվում է զորավարժությունների անցկացման տարածքներ։ Կոնկրետ վայր չի նշվում, բայց ըստ «ԱՊԱ» գործակալության՝ մայիսի 17-20-ը հրամանատարա-շտաբային եռօրյա զորավարժություններ են անցկացվելու Նախիջևանում։

Նշենք, որ Ադրբեջանը նախապես հայտարարել էր 15.000 զինծառայողի ու 400 զինտեխնիկայի, հրթիռահրետանային ու օդային ուժերի ներգրավմամբ լայնամաշստաբ զորավարժությունների անցկացման մասին։