«Hi gym» մարզասրահի տնօրենը տարաձայնություններ է ունեցել մարզչի հետ, որին միջամտել է վերջինի ամուսինը․ տնօրենը հանդիպել է ամուսնուն ու հարվածել դեմքին
Մարտի 12-ին, արտակարգ դեպք է տեղի ունեցել Երևանում։ Ժամը 22։00-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Քանաքեռ-Զեյթունի բաժնում օպերատիվ տեղեկություն է ստացվել, որ «Միքայելյան» բժշկական կենտրոն բուժօգնության է դիմել մի քաղաքացի։
Shamshyan.com-ի փոխանցմամբ՝ հիվանդանոց է մեկնել օպերատիվ խումբը՝ որտեղ պարզվել է, որ օպերատիվ տեղեկությունը հավաստի է, իսկ տուժածը Երանի բնակիչ 22-ամյա Ալբերտ Բ․-ն է, ով ըստ բժշկի ի վիճակի չի եղել կատարվածի մասին բացատրություն տալու։
Աղբյուրի տեղեկություններով Ալբերտ Բ․-ի կինը՝ Երևանի բնակիչ 22-ամյա Սիլվի Ս․-ն ոստիկաններին հայտնել է, որ նույն օրը նշված մարզասրահում աշխատավարձի շուրջ տարաձայնություն է ունեցել մարզասրահի տնօրեն ներկայացած Հայրիկ Հ․-ի հետ և որին միջամտել է ամուսինը, որից հետո՝ ժամը 21։30-ի սահմաններում հերթական մարզումների այցելելու ժամանակ նշված մարզասրահում տնօրեն Հայրիկ Հ․-ն հանդիպել է Ալբերտ Բ․-ին և հանկարծակի հարվածել վերջինիս դեմքին, ապա գցել գետնին՝ ում ծնոտի հատվածում պատճառվել է մարմնական վնասվածք։
Աղբյուրի տեղեկություններով ոստիկանության Քանաքեռ-Զեյթունի բաժնի ծառայողների կողմից ձեռնարկված օպերատիվ միջոցառումների արդյունքում պարզվել է, որ Հայրիկ Հ․-ն հանդիսանում է Երևանի բնակիչ 22-ամյա Հայրիկ Հ․-ն։
Դեպքի փաստով ոստիկանության Քանաքեռ-Զեյթունի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժին։
Աղբյուրի տեղեկություններով Սիլվի Ս․-ն աշխատում է «Hi gym» մարզասրահում, որպես մարզիչ, իսկ Հայրիկ Հ․-ն նշված մարզասրահի տնօրենն է։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
