Տեսախցիկը ֆիքսել է 29-ամյա Գոհար Մանուկյանի մասնակցությամբ ողբերգական ավտովթարը

Տեսախցիկը արձանագրել է Երևանի Պռոշյան փողոցում 7 ավտոմեքենաների մասնակցությամբ ողբերգական ավտովթարը, որի մասնակիցներից «Tesla»-ի 29-ամյա վարորդը եղել է ոչ սթափ։

Նշենք, որ դեկտեմբերի 5-ին, խոշոր ու ողբերգական ավտովթար էր տեղի ունեցել Երևանում։

Ժամը 23:30-ի սահմաններում Պռոշյան փողոցի թիվ 14 հասցեի դիմացի հատվածում բախվել են Երևանում հաշվառված 29-ամյա Գոհար Մանուկյանի վարած «Tesla» մակնիշի, Շիրակի մարզում հաշվառված 28-ամյա Սևակ Գաֆարյանի «Kia Forte» մակնիշի և Երևանում հաշվառված 21-ամյա Միքայել Շահբազյանի վարած «Hyundai» մակնիշի ավտոմեքենաները։ 

Վթարի հետևանքով վարորդներից Ս. Գաֆարյանը տեղում մահացել է, իսկ «Tesla»-ի վարորդ Գ. Մանուկյանը տեղափոխվել է հիվանդանոց։