Ֆրանսիայի կարգավորող մարմինը Shein-ին տուգանել է 40 միլիոն եվրոյով կեղծ զեղչերի համար
Ֆրանսիայի հակամենաշնորհային կարգավորող մարմինը ասիական էլեկտրոնային առևտրի Shein հարթակին տուգանել է 40 միլիոն եվրոյով՝ անարդար բիզնես գործելակերպի համար, հաղորդում է Reuters-ը։
Գործակալությունը, որը նաև պատասխանատու է սպառողների պաշտպանության համար, հայտարարել է, որ Shein ապրանքանիշի ներքո գործող Infinite Style E-Commerce Co Ltd. (ISEL) ընկերությունը մոլորեցրել է հաճախորդներին զեղչերի չափի վերաբերյալ։
Կարգավորող մարմինը, որը մեկ տարի հետաքննություն է անցկացրել, խախտումների շարքում նշել է կեղծ զեղչեր, այսինքն՝ նոր առաջարկներում «հին գին» է նշել՝ ստեղծելով լավ գործարքի պատրանք։
2022 թվականի հոկտեմբերի 1-ից մինչև 2023 թվականի օգոստոսի 31-ը Shein-ի զեղչային առաջարկների վերլուծությունը ցույց է տվել, որ դեպքերի 57%-ում ապրանքի գինը չի նվազել սկզբնականից, իսկ դեպքերի 11%-ում այն իրականում ավելի բարձր է եղել։
ISEL-ը հայտարարել է, որ ֆրանսիական կարգավորող մարմինը խախտումների մասին տեղեկացրել է իրեն անցյալ տարվա մարտին, և երկու ամսվա ընթացքում այն ճշգրտել է իր գործելակերպը։
Այս տարվա մայիսին Եվրոպական հանձնաժողովը հայտարարել է, որ Shein-ի վաճառքի գործելակերպը խախտում է ԵՄ օրենսդրությունը, և ընկերությունը կարող է տուգանքների ենթարկվել։
