Քանի մանդատ կստանա յուրաքանչյուր քաղաքական ուժ խորհրդարանում. ԿԸՀ-ն հաստատել է մանդատների թիվը
Քանի մանդատ կստանա յուրաքանչյուր քաղաքական ուժ խորհրդարանում. ԿԸՀ-ն հաստատել է մանդատների թիվը
Այսօր արտահերթ ընտրությունների արդյունքների ամփոփման ժամանակ հայտնի դարձավ, թե քանի մանդատ կստանան խորհրդարան անցած ուժերը:
Որոշման համաձայն, «Քաղաքացիական պայմանագիր» կուսակցությունը կստանա` 68, «Հայաստան» դաշինքը` 26, «Պատիվ ունեմ» դաշինքը՝ 7 մանդատ։
ԿԸՀ նախագահ Տիգրան Մուկուչյանը նշեց, որ ազգային փոքրամասնությունները մանդատ կստանան հետևյալ կերպ․ եզդի, ռուս և քուրդ՝ «Քաղաքացիական պայմանագիր», ասորի՝ «Հայաստան» դաշինք։ Որոշումն ընդունվեց միաձայն։
«Հայաստան» դաշինքը բացի այս 1 մանդատից, ստանալու է ևս 2 լրացուցիչ տեղ խորհրդարանում, քանի որ, ինչպես մեկնաբանել է ԿԸՀ նախագահը, ընդդիմադիր կուսակցությունների մանդատները ընդհանուր թիվը պետք է լինի 36 ու քանի որ «Հայաստան» դաշինքն ավելի շատ ձայն է ստացել, լրացուցիչ այդ մանդատները տրվելու են իրենց:
