Փարիզում մահացած են գտել Օլիմպիական խաղերի 21-ամյա կամավորին
Փարիզում մահացած են գտել 21-ամյա կամավորին, ով աշխատել է Օլիմպիական խաղերում։ Այս մասին հայտնում է Parisien թերթը:
«Փարիզում երկուշաբթի լույս երեքշաբթի գիշերը բնակարաններից մեկում մահացած են գտել օլիմպիական խաղերի կամավոր մի երիտասարդ կնոջ»,- ասվում է հրատարակության մեջ։
Ինչպես նշում է հրատարակությունը, ենթադրվում է, որ նրան սպանել է մեկ այլ կամավոր, որին նա ճանաչում էր երկու տարի։
Դիակի առաջին հայտնաբերումների ժամանակ նկատվել է գլխի ձախ մասում հեմատոմա և պարանոցի վերք։ Դին տեղափոխվել է Փարիզի դատաբժշկական ինստիտուտ, որտեղ մոտակա ժամերին այն պետք է դիահերձվի։
Հենց զոհի մայրն է հայտնել 21-ամյա դստեր անհետացման մասին Stade de France մարզադաշտում փակման արարողության ավարտից հետո ։
Ավելի ուշ ոստիկանությունը ձերբակալել է կասկածյալի, ով, ըստ հրապարակման աղբյուրի, հանցագործությունից հետո փորձել է ինքնասպան լինել։