«Փաշինյանի կառավարությանը գոտկատեղից ներքև հարվածներ չենք տալու». Էդուարդ Շարմազանով
«Փաշինյանի կառավարությանը մենք ընդդիմություն ենք, բայց գոտկատեղից ներքև հարվածներ չենք տալու. լինելու ենք կառուցողական, պետական ընդդիմություն, որը կգործի Հայաստանի ժողովրդի շահերից ելնելով»,- լրագրողների հետ ճեպազրույցում ասել է ՀՀԿ խոսնակ, ԱԺ փոխնախագահ Էդուարդ Շամրազանովը:
Անդրադառնալով արցախյան հիմնախնդրի բանակցային գործընթացի վերաբերյալ ՀՀ վարչապետի հայտարարություններին, ընդգծել է. «Նիկոլ Փաշինյանն իմ երազած վարչապետը չէ, բայց ցանկացած բանակցություններում ես նրա մեջքին կանգնած եմ, որովհետև ինքը իմ պետության վարչապետն է։
Թող Ալիևի, Էրդողանի մտքով չանցնի, որ իմ երկրի վարչապետը, որի հետ ունեմ գաղափարական ու քաղաքական խորը տարաձայնություններ, ես իր յուրաքանչյուր հանդիպմանն աղոթելու եմ, որ հաջողի բանակցություններում: Եթե հաջողի, կհաղթի Հայաստանն ու Արցախը, ինձ համար դա է կարևոր»,- եզրափակել է նա:
Աղբյուր՝ mamul.am
