Փաշինյանը պաշտոնից ազատել է ԱԳՆ գլխավոր քարտուղարին
Փաշինյանը պաշտոնից ազատել է ԱԳՆ գլխավոր քարտուղարին
ՀՀ վարչապետի պաշտոնակատար Նիկոլ Փաշինյանի որոշմամբ Վահագն Մելիքյանին ազատել են Արտաքին գործերի նախարարության գլխավոր քարտուղարի պաշտոնից։
Ղեկավարվելով «Դիվանագիտական ծառայության մասին» օրենքի 9-րդ հոդվածի 2-րդ մասով և 40-րդ հոդվածի 1-ին մասի 1-ին կետով՝ Վահագն Մելիքյանին ազատել արտաքին գործերի նախարարության գլխավոր քարտուղարի պաշտոնից:
Հիշեցնենք` մայիսի 27-ին հրաժարականի դիմում էր ներկայացրել արտգործնախարարի պաշտոնակատար Արա Այվազյանը:
Նույն օրը տեղեկություն տարածվեց, որ հրաժարականի դիմումներ են գրել նաև բոլոր փոխարտգործնախարարները։
