Սպանություն Արմավիրի մարզում. սեփական տանը հայտնաբերել են «Սովռանո» ընկերության 30-ամյա մենեջերի դին
Սպանություն Արմավիրի մարզում. սեփական տանը հայտնաբերել են «Սովռանո» ընկերության 30-ամյա մենեջերի դին
Shamshyan.com-ի փոխանցմամբ՝ այսօր՝ մայիսի 10-ին, հրազենի գործադրմամբ սպանություն է տեղի ունեցել Արմավիրի մարզում:
Ժամը 02:40-ի սահմաններում, ոստիկանության Արմավիրի բաժին ահազանգ է ստացվել, որ Արմավիր քաղաքի Չարենցի փողոցի 1-ին նրբանցքի տներից մեկում տղամարդու դի կա:
Ոստիկանները նշված տանը հայտնաբերել են նույն հասցեի բնակիչ, 30-ամյա Ռազմիկ Հովհաննիսյանի դին՝ պարանոցի մասում հրազենային վնասվածքով:
Ոստիկաններն ու քննիչները նշված տանը հայտնաբերել են որսորդական հրացանից կրակված խիծ: Աղբյուրի տեղեկություններով մահացածը աշխատում էր «Սովռանո» ՍՊԸ-ում՝ որպես մենեջեր:
