«Սյունիքի դիրքերը». Դավիթ Գրիգորյան
«Սյունիքի դիրքերը». Դավիթ Գրիգորյան
Շրջակա միջավայրի նախարարության նախկին մամուլի խոսնակ Դավիթ Գրիգորյանը ֆեյսբուքյան իր էջում գրել է.
«Սյունիքի դիրքերը. լուսանկարը՝ Google Earth-ից
Իշխանասար լեռան հյուսիսարևելյան լանջին է Սև լիճը։ Բարձր գագաթից, որը գտնվում է Սև լճի հարավային ճակատում (նշել եմ կարմիրով) դիտարկվում է ամբողջ Գորիս քաղաքը։
Այն ընկած է ՀՀ պետսահմանից ներս, սակայն հավանական է, որ ադրբեջանական կողմը փորձ է արել վերցնել այդ գագաթը՝ ավելի շահեկան մարտական դիրքում հայտնվելու և Գորիսը բարձր դիրքից ուղիղ նշանառության տակ պահելու համար։Նշածս գագաթից մինչև Գորիս քաղաք ուղիղ գծով մոտ 10 կիլոմետր է։
Ամենաշարքային հաուբիցայից (օր․՝ Դ-20) հնարավոր է դառնում ուղիղ նշանառել հայկական մեծ բնակավայրը։ ԽՍՀՄ պետսահմանով Սև լիճն ամբողջությամբ գտնվել է ՀԽՍՀ սահմաններից ներս, սակայն այժմ, որքանով հասկանում եմ, ադրբեջանական կողմը լիճը կուլ է տվել և քանի որ դիմացի սարը փակում է տեսադաշտը՝ վերջիններս պիտի ներքևից վերև բարձրանային ու հաստատվեին։
Շահեկան դիրք ՀՀ պետսահմանում։ Նույն խնդիրը կա Իշխանասար լեռից Սիսիան ուղղության վրա։ Ընդհանուր առմամբ թշնամին առնվազն 100 քառակուսի կիլոմետր տարածք է վերահսկում հենց լեռան գագաթից (կամ շատ ավելի մեծ ծավալ) և, եթե նոր գագաթներ վերցնի թշնամին` էս իշխանության թուլամորթության պատճառով, ապա թշնամին առանց գրավելու իրենով կանի Սյունիքը։
Հուսամ, որ մեր ԶՈՒ-ն և ՌԴ խաղաղապահները թույլ չեն տա թշնամուն մեր լեռներում իրենց լավ զգալ ու հետ կշպրտեն իրենց զբաղեցրած նախկին դիրքեր, եթե վերջիններս առհասարակ առաջ են եկել։
Սյունիքը մեր տան դուռն է, այն շրխկացնել է պետք թշնամու երեսին ու ամուր փակել։
Հ.Գ. Սիրողական վերլուծություն է։ Ուղղեք, եթե սխալվում եմ»։
