Սայաթ-Նովա փողոցում ծառը կոտրվել և ընկել է ավտոմեքենայի վրա (ֆոտո)
Հունվարի 24-ին, ժամը 08։46-ին Ճգնաժամային կառավարման կենտրոն ահազանգ է ստացվել, որ Երևանի Աբովյան փողոցի և Սայաթ-Նովայի պողոտայի խաչմերուկի մոտակայքում ծառը կոտրվել և ընկել ավտոմեքենայի վրա, տուժածներ չկան․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ ծառը շրջվել է կայանած «Toyota» (վարորդ՝ Ե․ Բ․), «Mitsubishi» (վարորդ՝ Գ․ Մ․) և «VAZ» (վարորդ՝ Ս․ Հ․) մակնիշների ավտոմեքենաների վրա։ Վնասվել են «Toyota» մակնիշի ավտոմեքենայի տանիքը և դիմապակին, «Mitsubishi» մակնիշի ավտոմեքենայի ծածկը և «VAZ» մակնիշի ավտոմեքենայի թափքը։
![kotrvel avto](https://bavnews.am/wp-content/uploads/2024/01/kotrvel-avto.webp)
Փրկարարները ծառը հեռացրել են ավտոմեքենաների վրայից։