Ռուսաստանում սպանել են 34-ամյա հայ գործարար Մհեր Սարաջյանին

Ռուսաստանում սպանել են 34-ամյա հայ գործարար Մհեր Սարաջյանին

ՌԴ Մոսկվայի մարզի Կրասնոգորսկի քաղաքային շրջանի Պուտիլկովո համայնքի բնակարաններից մեկում հայտնաբերվել է հայազգի գործարար, 34-ամյա Մհեր Սարաջյանի դին։

Այս մասին տեղեկացնում է ՌԴ-ում ՀՀ դեսպանությունը։

Հայ գործարարը «Սոցստրոյ» շինարարական, բնակելի տների կառուցմամբ զբաղվող ընկերության գլխավոր տնօրենն էր։

Համաձայն իրավապահ մարմինների փոխանցած տեղեկատվության՝ գործարարի մահվան պատճառ են դարձել դանակով հասցված բազմաթիվ վնասվածքները:

Դեպքի առնչությամբ հարուցվել է քրեական գործ: