Պուտինը սկսել է զրահաբաճկոն կրել միջոցառումների ժամանակ
Ռուսական հետախուզական ծառայություններն աննախադեպ ուժեղացրել են Վլադիմիր Պուտինի անվտանգության առանց այն էլ բարձր մակարդակը. հետախուզական ծառայությունների առաջարկով նա սկսել է զրահաբաճկոն կրել բացօթյա հրապարակային միջոցառումների ժամանակ, ասել են երկու ռուս պաշտոնյաներ The Moscow Times-ին և հաստատել են Կրեմլին մոտ կանգնած աղբյուրը:
Պաշտոնյայի խոսքով, ով Պուտինին բազմաթիվ առիթներով տեսել է իր հանրային միջոցառումների ժամանակ, նա սկսել է զրահաբաճկոն կրել դեռևս 2023 թվականին Անվտանգության դաշնային ծառայության և Նախագահի անվտանգության ծառայության առաջարկով:
«Այս տարի մայիսի 9-ին շքերթի ժամանակ նախագահը հաստատ թաքնված զրահաբաճկոնով էր։ Եվ ես կարծում եմ, որ այս նախազգուշական միջոցը ճիշտ է»,- ասել է ռուս պաշտոնյան, որը ներկա է եղել Կարմիր հրապարակում շքերթի ժամանակ:
Ուսումնասիրելով 2024 թվականի մայիսի 9-ի շքերթում Պուտինի ելույթի տեսագրությունները, մենք ևս կարծում ենք, որ ՌԴ նախագահն իսկապես զրահաբաճկոն է կրել:
Փորձագետների խոսքով, ՌԴ նախագահի պահվածքից ելնելով կարելի է եզրակացնել, որ նա վերարկուի տակ ինչ-որ բան է կրել, որն իրեն անհարմարություն է պատճառել քայլելիս։
