Պուտինը դիմել է Երևանին ու Բաքվին
Պուտինը դիմել է Երևանին ու Բաքվին
Ռուսաստանին մտերիմ պետությունների միջև ցանկացած կոնֆլիկտային իրավիճակ լուրջ անհանգստություն է առաջացնում.
Մոսկվան հանդես է գալիս խաղաղ կարգավորման օգտին, այս մասին հայտարարել է ՌԴ նախագահ Վլադիմիր Պուտինը՝ օտարերկրյա դեսպաններին հավատարմագրերի հանձնման արարողության ժամանակ, փոխանցում է РИА Новости-ն:
«Մենք կոչ ենք անում զսպվածություն ցուցաբերել, խստորեն պահպանել հրադադարը և վճռականորեն հետևել Ռուսաստանի, Հայաստանի և Ադրբեջանի ղեկավարների եռակողմ հայտարարություններին»,- ասել է Պուտինը:
Նա նշել է, որ անհրաժեշտ է ելնել այն հանգամանքից, որ լուծման բանալին գտնվում է Ռուսաստանի խորհրդատվական օգնությամբ հայ-ադրբեջանական սահմանի սահմանազատման երկկողմ հանձնաժողովի շրջանակներում։
Պուտինը հավելել է, որ ՀԱՊԿ-ի գծով միջոցներ են ձեռնարկվում Հայաստանի և Ադրբեջանի միջև սրումը նվազեցնելու ուղղությամբ, փոխանցում է ТАСС-ը: «Դիմակայության գոտի առաքելություն է ուղարկվել՝ ՀԱՊԿ գլխավոր քարտուղարի գլխավորությամբ:
Նրան հանձնարարված է իրադրության ուսումնասիրման արդյունքներով պատրաստել առաջարկներ Հավաքական անվտանգության խորհրդին»,- ասել է ՌԴ նախագահը՝ հավելելով, որ նոյեմբերին Երևանում տեղի կունենա ՀԱՊԿ ամենամյա գագաթնաժողովը:
