Պոկերի լեգենդին պատկանող շքեղ զբոսանավը հրդեհվել է Միջերկրական ծովում (Տեսանյութ)

Պոկերի լեգենդին պատկանող շքեղ զբոսանավը հրդեհվել է Միջերկրական ծովում (Տեսանյութ)

26 մետր երկարությամբ շքեղ զբոսանավը հրդեհի պատճառով խորտակվել է Միջերկրական ծովի Ֆորմենտերա կղզու մոտակայքում։ Այս մասին հայտնում է Daily Mail-ը։

Նշվում է, որ անձնակազմի 5 անդամ և 12 ուղևոր եղել են «Irmao» կոչվող զբոսանավում, սակայն կարողացել են ժամանակին լքել զբոսանավը։

Անձնակազմի անդամներից միայն մեկին են հոսպիտալացրել թեթև այրվածքների համար։

Ահազանգը հնչել է երեկ երեկոյան ժամը 6-ի սահմաններում։ Տեսնողները հավաքվել էին մոտակայքում իրենց նավակներով՝ դիտելու, թե ինչպես է բռնկվում կրակը, երբ խիտ սև ծուխը բարձրանում էր դեպի երկինք։

Ինչպես ենթադրվում է, շքեղ զբոսանավը պատկանում է իսպանացի պոկերի խաղացող Դիեգո Գոմես Գոնսալեսին, որը նաև հայտնի է «Առյուծ» մականունով:

Դեռևս հայտնի չէ՝ Գոնսալեսը եղել է իր զբոսանավում, թե այն վարձակալվում էր: Մադրիդցի 34-ամյա խաղացողն իր մականունը ձեռք է բերել այն բանից հետո, երբ 2012 թվականին Պրահայում կայանալիք Եվրոպական պոկերի շրջագայության եզրափակիչ սեղանի ժամանակ հագնվել է ամբողջ մարմնով առյուծի զգեստով:

Նշենք, որ զբոսանավի վարձակալման արժեքը 46,000 ֆունտ է։