Պետք է օրենքով արգելվի այդ տեսարանը․ հոգեբանը՝ Գոռ Վարդանյանի ֆիլմի մասին
Տևական ժամանակ է՝ Գոռ Վարդանյանի «Կայսրության թևերը» ֆիլմը հանրության կողմից մեծ քննարկման է արժանանում։
Մասնավորապես՝ այն տեսարանը, որտեղ միմյանց հետ փողոցային ժարգոնով խոսող ու միմյանց վրա հարձակվող դեռահասների հանցախմբեր են, աղմուկ է առաջացրել հանրության շրջանում:
Oragir.News-ի հետ զրույցում հոգեբանը նաև նշում, որ ծխախոտով տեսարանները ևս անթույլատրելի են։
Հոգեբան Եվա Օհանյանը կարծում է, որ ֆիլմը շատ բացասական կարող է անդրադառնալ դեռահասների վրա, քանի որ նրանք ամենախոցելի խումբն են։
«Երբ դեռահասները տեսնում են այդ բացասական վարքը, նրանք սկսում են նմանակել։ Դեռահասները ունեն հակում դեպի խմբավորումները։ Երբ նրանք տեսնում են այդ պատկերները, դրանք միանգամից շատ վատ են անդրադառնում իրենց հոգեվիճակի վրա։ Նրանք սկսում են մտածել, որ միգուցե ճիշտը դա է։
Մեզ մոտ օրենքով նույնիսկ արգելված է խանութներում ցուցադրել ծխախոտը և արգելված է դրանք վաճառելը դեռահասներին։ Նման տեսարանները պետք է օրենքով պատժվեն և արգելվեն։ Պետք է հասարակությունն ուղիղ դիմի պատկան մարմիններին, որպեսզի իրենք վերահսկեն այս ամենը»,- ասաց Եվա Օհանյանը։
