Ունի 4 երեխա, երկուսը՝ զույգ տղա․ ավտովթարից մահացած տղամարդը աշխատանքից էր վերադառնում
Հուլիսի 17-ին, Գեղարքունիքի մարզում տեղի ունեցած խոշոր ու ողբերգական ավտովթարի հետևանքով մահացած Ռոստոմ Խաչատրյանը Սևանից էր։
«49 տարեկան էր, ունի 4 երեխա, որոնցից երկուսը զույգ տղա՝ անչափահաս։ Շատ նորմալ, կարգին անձնավորություն էր։ Վերջերս գնացել էր Երևանում էր աշխատում։ Աշխատանքից երեկոյան հերթափոխը հանձնել է, վերադառնալուց է եղել։
Երևի հոգնածության հետևանք է, խոսակցությունները տանում են դրան»,- Oragir.News-ի հետ զրույցում ասաց Սևանի համայնքապետարանի աշխատակազմի քարտուղար Արմենուհի Ղուկասյանը՝ հավելելով, որ մահացածը ընտանիքի միակ կերակրող ձեռքն էր։
Վաղը կլինի նրա հոգեհանգիստը։
