Ուկրաինական բանակն անցել է հակահարձակման
Ուկրաինական բանակն անցել է հակահարձակման
Ուկրաինայի զինված ուժերն արդեն հակահարձակողական գործողություններ են իրականացնում, հայտարարել է Ուկրաինայի պաշտպանության փոխնախարար Աննա Մալյարը։
«Հարձակումը հակառակորդի կողմից ընթանում է չորս հիմնական ուղղություններով՝ Բախմուտսկոյե, Մարինսկոյե, Ավդեևսկոյե, Լիմանսկոյե։
Ուկրաինայի մեր զինված ուժերն այնտեղ իրականացնում են ակտիվ հարձակողական գործողություններ, և դրանք նաև հակահարձակողական գործողություններ են»,- պարզաբանել է Մալյարը։
Նշենք, որ Ամերիկյան արտադրության Patriot ՀՕՊ պաշտպանության համակարգերը արդեն իսկ Ուկրաինայում են։
Patriot համակարգերը Կիևին են փոխանցել Միացյալ Նահանգները, Գերմանիան և Նիդերլանդները։
Բեռլինը նախօրեին էր պաշտոնապես հաստատել, որ խոստացված Patriot համակարգերից մեկը արդեն իսկ փոխանցվել է Ուկրաինային։
