Ոտաբոբիկ պարեր լողափում՝ արևածագից մինչև մայրամուտ․ Իվետա Մուկուչյանի հանգիստը Մեքսիկայում․ ԼՈՒՍԱՆԿԱՐՆԵՐ
Երգչուհի Իվետա Մուկուչյանն ինստագրամյան իր էջում Մեքսիկայից լուսանկարներ է հրապարակել և պատմել իր հանգստի մասին:
«Ի՜նչ հիանալի սկիզբ է 2026 թվականի։ Անընդհատ դրական տրամադրություն Թուլում՝ ժամանելու առաջին իսկ վայրկյանից… հին ու նոր ընկերներ միասին, հիանալի երաժշտություն, ոտաբոբիկ պարեր լողափում՝ արևածագից մինչև մայրամուտ։ Ես հաջողությամբ թողեցի 2025 թվականը, այն օրհնություններն ու դասերը, որոնք ստիպված էի սովորել անցյալ տարի դժվարին ճանապարհով, փոխանցեցի այս տարվա նոր մեկնարկին։
Մեծ առաքելություններից մեկն այն էր, որ հիշեմ, թե ինչ է նշանակում լինել ամբողջությամբ ինքս ինձ՝ առանց ձևացնելու… շնորհակալություն վերջին 2 շաբաթների ընթացքում իմ ճանապարհին հայտնված գեղեցիկ մարդկանց:
Նոր տարվա շրջանի ընթացքում չկա ավելի լավ վայր, քան Nomade-ն ու @betulumhotel-ը․ բառացիորեն վերջին երկու շաբաթում միայն մեկ անգամ եմ հեռացել այդ վայրից։ Շնորհակալություն հիանալի հյուրընկալության և այն բանի համար, որ մեզ թույլ եք տալիս վերադառնալ մեր կյանքերին՝ ձեզ ստեղծած ողջ դրական էներգիան մեզ հետ տանելով, որպես հրաշալի ԹԻՄ:
Դա այնպիսի շրջաններից մեկն էր, երբ քունն ու առօրյան գրեթե գոյություն չունեն, որովհետև ժամանակը լցված է պարով, ծիծաղով, ընկերների հետ ամեն ինչի ու ոչնչի մասին զրույցներով Այս տարի մեզանից ոչ ոք չէր սպասում այսքան ԳԵՐԱԶԱՆՑ սեզոն։ Այժմ ժամանակն է վերադառնալ տուն և այս բոլոր զգացողությունները փոխանցել երաժշտությանն ու նոր գլուխներին։
Թող Ձիու տարին շարունակի հենց այսպես», – գրել է երգչուհին։
