Ովքեր էին եղել Երևան-Բաքու թռիչքի ուղևորները․ ԱԳՆ-ն մեկնաբանել է Երևան-Բաքու թռիչքը
Ովքեր էին եղել Երևան-Բաքու թռիչքի ուղևորները․ ԱԳՆ-ն մեկնաբանել է Երևան-Բաքու թռիչքը
Երեկ երեկոյան տարածվել էին լուսանկարներ այն մասին, տեղի է ունեցել Երեւան-Բաքու թռիչք: ՀՀ ԱԳՆ մամուլի խոսնակ Աննա Նաղդալյանը ArmLur.am-ի հետ զրույցում հայտնեց, թե քիչ անց այս առնչությամբ պաշտոնական պարզաբանում կլինի:
Ինչեւէ, մինչ պաշտոնական պարզաբանումը, արդեն տեղեկություններ են հայտնի, թե ինչ թռիչքի մասին է խոսքը: Տվյալների համաձայն, Երևան-Բաքու թռիչքը տեղի է ունեցել Հայաստանի ժամանակով երեկոյան ժամը 7-ի մոտակայքում՝ Dassault Falcon 900 EX փոքր մարդատար ինքնաթիռով, որը պատկանում է Իտալիայի ռազմաօդային ուժերին։
ՀՀ ԱԳՆ-ն ArmLur.am-ին մեկնաբանել է, թե ինչ թռիչքի մասին է խոսքը։
«Երևանից-Բաքու մեկնած օդանավի առնչությամբ հայտնում ենք, որ ս.թ. դեկտեմբերի 8-ին Հայաստան է ժամանել Իտալիայի փոխարտգործնախարար Մանլիո Դի Ստեֆանոյի գլխավորած պատվիրակությանը:
Ըստ նախատեսված ծրագրի՝ պատվիրակությունն այնուհետև ուղևորվել է Բաքու: Հայտնում ենք նաև, որ պատվիրակությունը Երևանից Բաքու էր մեկնել Իտալիայի կառավարությանը սպասարկող օդանավով, որը ստացել էր թռիչքի անհրաժեշտ թույլտվությունները»:
