Ոստիկանական հատուկ օպերացիա Սյունիքի մարզում․ կասկածյալները եղել են Mercedes-ով և Opel-ով. կա վիրավոր
Ոստիկանական հատուկ օպերացիա Սյունիքի մարզում․ կասկածյալները եղել են Mercedes-ով և Opel-ով. կա վիրավոր
Shamshyan.com-ը գրում է․ Երեկ՝ հուլիսի 15-ին, արտակարգ դեպք է տեղի ունեցել Սյունիքի մարզում։
Ժամը 04։30-ի սահմաններում ՀՀ Ներքին գործերի նախարարության Ոստիկանության Սյունիքի մարզային վարչության քրեական հետախուզության բաժնի և Ոստիկանության Սիսիանի բաժնի քրեական հետախուզության բաժանմունքի ծառայողները Երևան-Մեղրի ավտոճանապարհի 200 կմ հատվածում փորձել են կանգնեցնել Opel Astra և Mercedes մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, Opel-ի վարորդը չի ենթարկվում ոստիկանների օրինական «կանգառ» հրահանգին, փախուստի փորձ է կատարում, այդ ժամանակ հարվածում է ոստիկանական համարանիշներով Toyota Corolla մակնիշի ավտոմեքենային։
Արդեն տեղում ոստիկանները վնասազերծում են Opel-ի վարորդին, իսկ ավտոմեքենայի սրահում ակնհայտ տեսանելի վայրում հայտնաբերվում է 3 կապոց թրմանյութին բնորոշ սուր հոտով թմրամիջոց։
Դրանք եղել են փաթեթավորված պոլիէթիլենային և ալյումինե ստվարաթղթերով։ Իսկ Mercedes-ը, երբ ոստիկանները կանգնեցնում են, վարորդը հրաժարվում է ավտոմեքնայից իջնել, ինչքան էլ՝ մի քանի անգամ ոստիկանները ներկայացնում և հորդորում են, որպեսզի նա իջնի ավտոմեքենայից։
Տեսնելով, որ իրենց բազմաթիվ հորդորներին չի ենթարկվում վարորդը, ոստիկանները հատուկ միջոցի կիրառմամբ նրան դուրս են բերում մեքենայից՝ կոտրելով առջևի աջակողմյան ապակին։
Գ․ Շամշյանի տեղեկություններով՝ Opel-ի՝ Toyota-ին բախվելու հետևանքով, Toyota-ի ուղևոր, Սյունիքի մարզի բնակիչ 34-ամյա Արա Մարտիրոսյանը մարմնական վնասվածքներով տեղափոխվում է «Սիսիանի» բժշկական կենտրոն։
Իսկ Opel-ի ողևոր՝ Արմավիր մարզի բնակիչ 41-ամյա Հրաչյա Եղիազարյանը գլխի հատվածում ստանում է քերծվածքի տեսքով մարմնական վնասվածք, սակայն հրաժարվում է հիվանդանոց մեկնելուց։
Դեպքի վայր են ժամանում ՀՀ ՆԳՆ Ոստիկանության Սյունիքի մարզային վարչության պետ Վարդան Մկրտչյանը, ՀՀ ՆԳՆ Ոստիկանության Ճանապարհային ոստիկանության 2-րդ սպայական գումարտակի 6-րդ վաշտի 1-ին դասակի ծառայողները՝ վաշտի հրամանատար Վաչե Ալավերդյանի, դասակի հրամանատար Կարեն Օհանյանի և ճանապարհատրանսպորտային պատահարների գործերով ավագ տեսուչ Սուրեն Վարդանյանի գլխավորությամբ։
Ժամանել են նաև Հայաստանի քննչական կոմիտեի Սյունիքի մարզային քննչական վարչության Սիսիանի քննչական բաժնի խումբը։ Դեպքի փաստով՝ Սիսիանի քննչական բաժնում նյութեր են նախապատրաստվում։
Opel-ի վարորդ՝ Երևանի բնակիչ 36-ամյա Արմեն Չոբանյանն ու Mercedes-ի վարորդ՝ Արարատի մարզի բնակիչ 36-ամյա Կարեն Վարդանյանը Ոստիկանության Սիսիանի բաժնից ներկայացվել են Սիսիանի քննչական բաժին։
Գ․ Շամշյանի տեղեկություններով՝ օպերացիան, որի ինքնությունը հավաստի է եղել թմրամիջոցի հետ կապված, Սիսիանի ոստիկանները ստացել էին ազգային անվտանգության ծառայությունից։
Իսկ Toyota-ն վարել է 36-ամյա Անտոն Անտոնյանը, ով ՀՀ ՆԳՆ Ոստիկանության Սիսիանի բաժնի պետն է, կոչումով՝ փոխգնդապետ։
