Ողբերգական դեպք՝ Գեղարքունիքի մարզում. Վարդենիսի շենքերից մեկի նկուղում հայտնաբերվել է 41-ամյա կախված կնոջ դի
Ողբերգական դեպք՝ Գեղարքունիքի մարզում. Վարդենիսի շենքերից մեկի նկուղում հայտնաբերվել է 41-ամյա կախված կնոջ դի
Shamshyan.com-ը գրում է․ Երեկ՝ դեկտեմբերի 6-ին, ողբերգական դեպք է տեղի ունեցել Գեղարքունիքի մարզում։
Ժամը 17։45-ի սահմաններում «Վարդենիս» ԲԿ-ից ոստիկանության Վարդենիսի բաժին ահազանգ է ստացվել, որ բժիշկների հերթապահ խումբը կանչով մեկնել է Վարդենիս քաղաքի Բանավան թաղամասի տներից մեկը, որտեղ նկուղում հայտնաբերել են կնոջ կախված դի։
Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել ոստիկանության Գեղարքունիքի մարզային վարչության պետ Արթուր Մկրտչյանն ու ոստիկանության Վարդենիսի բաժնի պետ Արմենակ Մուրադյանը։
![vardenis knoj di](https://bavnews.am/wp-content/uploads/2022/12/vardenis-knoj-di.jpg)
Ժամանել են նաև Հայաստանի քննչական կոմիտեի Գեղարքունիքի մարզային քննչական վարչության Վարդենիսի քննչական բաժնի խումբը՝ քննիչ Գասպարյանի գլխավորությամբ։
Ոստիկաններն ու քննիչները պարզել են, որ մահացածը Գեղարքունիքի մարզի բնակիչ՝ 41-ամյա Անուշ Հ-ն էր, ով տան նկուղի մուտքի վերևի ամրանից պարանով կախվելու միջոցով ինքնասպան է եղել։
Դիակի արտաքին զննությամբ՝ բռնության հետքեր չեն հայտնաբերվել։ Դեպքի փաստով Վարդենիսի քննչական բաժնում նախաձեռնվել է վարույթ։
Քննիչի որոշմամբ նշանակվել է դատաբժշկական փորձաքննություն։