Շուշիում ռուս սպա է զոհվել
Շուշիում ռուս սպա է զոհվել
Ղարաբաղում ականի պայթյունի հետևանքով ռուս սպա է մահացել։ Տեղեկությունը հայտնում է ՌԻԱ Նովոստին` հղում անելով ՌԴ պաշտպանության նախարարությանը:
«Դեկտեմբերի 17-ին, Շուշի բնակավայրի մոտակայքում ճանապարհի մի հատվածի ականազերծման ժամանակ տեղի ունեցավ պայթուցիկ սարքի գործարկում: Գործարկման հետևանքով ծանր վիրավորում է ստացել Միջազգային հակաականային կենտրոնի ականազերծման խմբի սպա»,– նշված է հաղորդագրության մեջ։
Զինծառայողին շտապ բուժօգնություն է ցուցաբերվել, բայց սպան մահացել է հոսպիտալ տեղափոխելու ճանապարհին:
ՌԴ ՊՆ–ն հայտնում է, որ զինծառայողի ընտանիքին կտրամադրվի բոլոր հնարավոր և անհրաժեշտ օգնությունն ու աջակցությունը։
