Նոր Նորքում սպանված Բորիս Արզումանյանը «Հայաստան» դաշինքի պատգամավորի թեկնածու էր

Armlur.am-ը հայտնել էր, որ մի քանի օր առաջ Երևանի Նոր Նորքում սպանված Բորիս Արզումանյանը եղել է. «Հայաստան» դաշինքի պատգամավորի թեկնածու:

ArmLur.am-ը տեղեկացավ, որ 31-ամյա Բորիսի եւ մի խումբ տղաների միջև վեճ էր եղել, որ արդյունքը հանգուցալուծվել էր ավտոմեքենաները գործի դնելով: Մեքենան մի քանի անգամ վարել էին Բորիսի եւ նրա ընկերների վրա, ինչի հետեւանքով պատգամավորի թեկնածուն սպանվել է։

Քննչականն արդեն գործ է հարուցել մի քանի հոդվածով՝ խուլիգանություն, սպանություն և սպանության փորձ։ Երկու անձի նկատմամբ քրեական հետապնդում է հարուցվել։ Իրավապահներն այլ մանրամասներ չեն հաղորդում այս պահին:

Նշենք, որ Նոր Նորքի Շոպրոնի փողոցում չորս օր առաջ կեսգիշերին մի խումբ տղաների վիճաբանությունը ողբերգական ավարտ էր ունեցել, սպանվել էր 31-ամյա Բորիս Արզումանյանը։

Միջադեպի մասնակիցներից մեկն ընկել էր գետնին ու կռվի հակառակ թևի մասնակիցները` տեսնելով գետնին ընկած անձին, մեքենան մի քանի անգամ քշել էին նրա վրա։