Նոր բնակարան Նաիրի համայնքում, 44 մլն ընտանեկան եկամուտ. Արարատ Միրզոյանի և կնոջ ունեցվածքը
Նոր բնակարան Նաիրի համայնքում, 44 մլն ընտանեկան եկամուտ. Արարատ Միրզոյանի և կնոջ ունեցվածքը
Armlur.am-ը գրում է․ Հայաստանի Հանրապետության Արտաքին գործերի նախարար Արարատ Միրզոյանը պաշտոնը զբաղեցնում է 2021 թվականի օգոստոսի 8-ից:
Միրզոյանը հայտարարագրել է մեկ բնակարան Երևանում, որը ձեռք է բերվել 2018 թվականին՝ հեղափոխությունից հետո: Մեկն տուն էլ ձեռք է բերել հայտարարատու տարում՝ 2022 թվականին, Կոտայքի մարզի Նաիրի համայնքում 112 մլն դրամով:
Աժ նախկին նախագահ Արարատ Միրզոյանի բանկային ավանդները կազմում են 70 հազար դոլար, իսկ բանկային հաշիվների մնացորդները 1 մլն 900 հազար դրամ և 20 հազար դոլար:
Կանխիկ դրամական միջոցները տարեվերջին կազմել են 25 հազար դոլար և 6 մլն դրամ:
Միրզոյանի հաշվետու տարվա եկամուտները կազմել են 24 մլն 053 հազար դրամ, որից 20 մլն 643 հազարը աշխատանքի վարձատրություն է ՀՀ Արտաքին գործերի նախարարությունից:
Ստացված վարկերի և փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է 29 մլն 936 հազար դրամ:
Միրզոյանը հայտարարգրած տրանսպորտային միջոց չունի, սակայն կինը՝ Գոհար Աբաջյանը, հայտարարգրել է մեկ մեքենա KIA մակնիշի, որը ձեռք է բերվել 2019 թվականին: Կնոջ կանքիկ դրամական միջոցները տարեվերջին կազմել է 15 հազար դոլար և 3 մլն 500 հազար դրամ, իսկ բանկային հաշիվների մնացորդները՝ 51 դոլար և 1 մլն 306 հազար դրամ:
Գոհար Աբաջյանի տարեկան եկամուտները գերազանցում են ամուսնու եկամուտնեին. դրանք կազմում են 92 մլն 141 հազար դրամ, որի 20 մլն 141 հազարը կուտակվել է աշխատանքի դիմաց ստացած վարձատրությունից 5 տարբեր կազմակերպություններից՝ Ջուրիբա Լիմիտեդից, Սոլիտոն ՍՊԸ-ից, Թրեյնինգս Էյ Էմ ՍՊԸ-ից, ՎՕԼՕ-ից և Քոգնայզ Էնջինիրինգից, իսկ 72 միլիոնը վարկ է ՀայԷկոնոմ բանկից:
