Մի տարբերակ եղել է, որը ստորագրելու պարագայում կարելի էր ասել, որ ԼՂ խնդիրը կլուծվեր. Փաշինյան

Մի տարբերակ եղել է, որը ստորագրելու պարագայում կարելի էր ասել, որ ԼՂ խնդիրը կլուծվեր. Փաշինյան

Այս մասին Հանրային հեռուստաընկերությանը տված հարցազրույցում ասաց ՀՀ վարչապետ Նիկոլ Փաշինյանը:

Լեռնային Ղարաբաղի խնդրի կարգավորման բանակցային գործընթացում երբեք չի եղել այնպիսի տարբերակ, որ առաջարկվի ԼՂ խնդրի լուծում: Մադրիդյան սկզբունքներից ի վեր բոլոր տարբերակները ենթադրել են ԼՂ հարցի չլուծում, չի եղել  մի թուղթ, որը ստորագրելուց հետո համարվեր, որ ԼՂ խնդիրը լուծվել է:

Ըստ Փաշինյանի, նման մի տարբերակ եղել է 1999 թվականին, որը ստորագրելու պարագայում կարելի էր ասել, որ ԼՂ խնդիրը լուծվել է:

«Դա Մեղրիի և Լեռնային Ղարաբաղիի փոխանակումն էր: Այսինքն Մեղրիի շրջանը հանձնվում էր Ադրբեջանին, ԼՂ-ն միացվում էր Հայաստանին:

Դա միակ տարբերակն է եղել, մնացած ոչ մի տարբերակով չէր արձանագրվում ԼՂ-ի հարցի լուծում, և սա իմ ընկալմամբ հատուկ էր արված, որպեսզի ԼՂ հարցը որպես մահակ միշտ հնարավոր լիներ պահել Հայաստանի գլխին: Գուցե հիմա շատերն ասեն, որ նաև Ադրբեջանի գլխին, բայց ես Հայաստանի մասին եմ խոսում հիմա»,- ասաց վարչապետը:

Մանրամասները՝ տեսանյութում