Միայն Աստված է ստեղծում՝ մնացածը պարզապես պատճենում են․ Միքելանջելո
Միայն Աստված է ստեղծում՝ մնացածը պարզապես պատճենում են․ Միքելանջելո
Միքելանջելոն Արևմուտքի առաջին արվեստագետն է, ում կենսագրությունը հրատարակվել է դեռևս իր կենդանության օրոք:
Միքելանջելո համբավ է ձեռք բերել դեռևս վաղ շրջանի իր աշխատանքներով:
Կենդանության օրոք նրան բնութագրել են որպես՝ «Il Divino» – Աստվածային արվեստագետ։
Դրանցից է նշանավոր «Pieta» մարմարյա արձանախումբային կոմպոզիցիան, որը մեծ արտահայտչականությամբ պատկերում է, թե ինչպես են ողբում Քրիստոսի մահը:
1501-1504 թվականների ընթացքում Միքելանջելո կերտել է Դավիթի քանդակը՝ հրեա գեղեցիկ մի երիտասարդի, ով պարտության է մատնել առասպելական հսկա Գողիաթին:
Հերոսը պատկերված է ֆիզիկական և ներքին լարվածության պահին: Արձանը, որ ունի հինգ մետր բարձրություն, ներկայումս համարվում է Ֆլորենցիայի խորհրդանիշը:
Դրա ընդօրինակված տարբերակը այժմ տեղադրված է Ֆլորենցիայի քաղաքապետարանի առջևի հրապարակում։
Միքելանջելո – Դավիթի քանդակը
Bavnews.am-ը ձեզ է ներկայացնում իտալացի քանդակագործ, գեղանկարիչ, ճարտարապետ և պոետ՝ Միքելանջելո Բուոնարոտիի 10 հանճարեղ խոսքերը։
1. Ես դեռ ոչինչ չեմ կարող անել, բայց կարող եմ սովորել:
2. Լավ արձանը պետք է մնա անվնաս, նույնիսկ եթե այն գլորվում է սարից։
3. Արվեստը խանդոտ է. այն պահանջում է, որ մարդը ամբողջ սրտով տրվի իրեն:
4. Եթե մարդիկ իմանային, թե որքան ծանր աշխատանքով եմ ձեռք բերել իմ հմտությունը, ամենևին էլ այն նրանց համար այդքան հրաշալի չէր թվա:
5. Աշխարհում վարկ ու կշիռ ստանալու ամենալավ և ամենաապահով միջոցը ինքն իրեն վստահելն է։
6. Քանդակագործի խնդիրը կայանում է նրանում, որպեսզի վերցնի մարմարի բլոկը և կտրի ինչ կա դրանում ավելորդ։
7. Հանճարը – հավերժական համբերություն է։
8. Միայն Աստված է ստեղծում՝ մնացածը պարզապես պատճենում են։
9. Յուրաքանչյուր քարի ներսում կա քանդակ, և քանդակագործի խնդիրն է բացել այն։
10. Դու հաջողակ ես, հարկավոր է միայն հավատալ դրան։
Միքելանջելո մահացել է 1564 թվականի փետրվարի 18-ին և թաղված է Սանտա-Կրոչե եկեղեցում, որը գտնվում է Ֆլորենցիայում։
Իր երկրային կյանքում համեստ կենցաղավարությամբ աչքի ընկած, մշտապես քչով բավարարված այդ բազմաքանքար մեծությունը մահից առաջ թելադրել է իր կտակը իրեն բնորոշ լակոնիկ ոճով.
«Ես հանձնում եմ հոգիս Աստծուն, մարմինս՝ հողին, ունեցվածքս՝ բարեկամներիս»։
