Մեքսիկայի քաղաքապետն ամուսնացել է կոկորդիլոսի հետ
Մեքսիկական Սան Պեդրո Ուամելուլա քաղաքում քաղաքապետ Դանիել Գուտիերեսը խորհրդանշական ամուսնության մեջ է մտել փոքրիկ կոկորդիլոսի՝ կայմանի հետ։ Այս մասին հայտնում է Reuters-ը։
Գուտիերեսն ամուսնացել է սողունի հետ, որին տեղացիներն անվանում են «փոքրիկ արքայադուստր»։
Արարողությունից առաջ սպիտակ հարսանեկան զգեստով կայմանին տարել են փողոցներով։ Սողունին տարել են տներ, և բնակիչները պարել են։
Նշվում է, որ տեղական համոզմունքների համաձայն՝ կոկորդիլոսը համարվում է Մայր Երկրի մարմնավորող աստվածություն։ Համապատասխանաբար, «ցեղի առաջնորդի» հետ ամուսնությունը խորհրդանշում է աստվածների աշխարհի և մարդկանց աշխարհի միությունը։
Ծեսն ավելի քան 230 տարեկան է, տեղացիները մինչ օրս հավատում են, որ այս միությունը բերում է բարգավաճում, լավ բերք և առատ որս։
2023 թվականին այս ծեսը տեղի է ունեցել նաև Մեքսիկայի Սան Պեդրո Ուամելուլա քաղաքում։ Այնուհետև նշվել է քաղաքապետ Վիկտոր Հյուգո Սոսայի և Ալիսիա Ադրիանա անունով կին կոկորդիլոսի հարսանիքը։ Հարսանեկան արարողությունից առաջ Ալիսիա Ադրիանայի էգ կոկորդիլոսի բերանը կապել են պարանով, որպեսզի միջոցառման մասնակիցներից ոչ մեկը չվնասվի։
