Մեքենան ընկել է ավտոկայանատեղիի երրորդ հարկից

Մեքենան ընկել է ավտոկայանատեղիի երրորդ հարկից

Այս մասին Bavnews.am-ը տեղեկանում է ռուսական լրատվամիջոցներից։

Միջադեպը տեղի է ունեցել Նովոդմիտրովսկայա փողոցում՝ Սավելովսկի քաղաքի բնակելի համալիրի մոտ։

Mercedes-Benz ML 350 մակնիշի ավտոմեքենան, որի ներսում է եղել վարորդը, ընկել է բազմահարկ ավտոկայանատեղիի երրորդ հարկից։

Ըստ տեղեկությունների՝ վարորդը չի տուժել և ինքնուրույն դուրս է եկել մեքենայից։

Ավելի ուշ վարորդը պատմել է, որ մեքենայի արգելակները խափանվել են, երբ նա դուրս է եկել կայանատեղիի չորրորդ հարկից։ Մեքենան սկսել է արագ ընթանալ, ճեղքել երրորդ հարկի ցանկապատը և վարորդի հետ ընկել գետնին։