Մարդ առանց երկրի. ո՞վ է այս խորհրդավոր տղամարդը Տաուրեդից
Մարդ առանց երկրի. ո՞վ է այս խորհրդավոր տղամարդը Տաուրեդից
Bavnews.am-ը ձեզ կներկայացնի 20-րդ դարի ամենաառեղծվածային իրադարձություններից մեկի մասին, որը ոչ մի կապ չունի թռչող ափսեների, դավադրության տեսությունների կամ անհայտ հրեշի հետ։ Ամեն ինչ ծավալվում է սովորական թվացող օրը, աշխարհի ամենատաղտկալի վայրերից մեկում՝ օդանավակայանում: Եվ այնուամենայնիվ, մինչ օրս ոչ ոք հստակ չգիտի, թե ինչ է տեղի ունեցել 1954 թվականի հուլիսյան այդ շոգ օրը։
Հենց այդ ժամանակ էլ Եվրոպայից թռչող ինքնաթիռով Տոկիոյի օդանավակայան է ժամանել արևելյան դիմագծերով և մորուքով մի տղամարդ։ Նրա փաստաթղթերի հերթական ստուգման ժամանակ ճապոնացի սահմանապահները պարզել են, որ ազգության սյունակում նշվում է Տաուրեդ անունով մի երկիր՝ մի երկիր, որն ընդհանրապես գոյություն չունի: Միևնույն ժամանակ, անձնագիրը լիովին իսկական տեսք ուներ՝ այն նույնիսկ լի էր Ճապոնիա և այլ երկրներ նախորդ այցելությունների կնիքներով:
Ընկերությունը, որտեղ տղամարդն ասաց, որ եկել է հանդիպման, երբեք չի լսել նրա կամ այն ընկերության մասին, որտեղ նա իբր աշխատել է: Հյուրանոցը, որտեղ նա իբր սենյակ է պատվիրել, այդ անունով ամրագրում չի ունեցել։
Այնուհետ իրավապահները տղամարդուն խնդրել են աշխարհի քարտեզի վրա ցույց տալ իր երկիրը, և նա առանց վարանելու ցույց է տվել Անդորրայի Իշխանության տարածքը։
Սակայն այդ պահին նա նկատեց, որ իր հայրենիքը այլ անունով է գրված, և իսկական կատաղության մեջ ընկավ՝ պնդելով, որ իր երկիրը գոյություն ունի հազարավոր տարիներ, որ Անդորրան իրականում գոյություն չունի, և որ Տաուրեդը պետք է իր տեղում լիներ։
Տղամարդուն հանձնել են ոստիկաններին, ովքեր նրան տեղափոխել են հյուրանոց և ժամանակավորապես պահել հսկողության տակ։ Սակայն մի քանի ժամ անց նրանք հայտնաբերել են, որ տղամարդն անհետացել է հյուրանոցի կողպված և խիստ հսկվող սենյակից, որը պատշգամբ չուներ։
Հետաքրքիր է, որ սա առաջին նման դեպքը չէ։ 1851 թվականին իշխանությունները հայտնաբերեցին մի տղամարդու, որը աննպատակ թափառում էր Գերմանիայի հյուսիս-արևելքում գտնվող Ֆրանկֆուրտ ան դեր Օդեր քաղաքում: Նա պնդում էր, որ ինքը Սաքրիա մայրցամաքի Լաքսարիա նահանգից է: Մեկ այլ երիտասարդ խոսում էր բոլորովին անճանաչելի լեզվով և 1905 թվականին Փարիզում բռնվեց մի կտոր հաց գողանալու ժամանակ։ Նա պնդել է, որ ինքը Լիսաբիա քաղաքից է։ Իշխանությունները ենթադրում էին, որ խոսքը Լիսաբոնի մասին է։ Այնուամենայնիվ, լեզուն, որ նա խոսում էր, պորտուգալերեն չէր, և նա չէր ճանաչում Պորտուգալիան որպես իր հայրենիք։
Անդորրայի քարտեզը. Ըստ առեղծվածային տղամարդու՝ սա իրականում Տաուրեդ է։
