Մայրը ոստիկաններին հայտնել է, որ 63-ամյա տղամարդը ձեռք է տվել անչափահաս դստեր մարմնի տարբեր մասերին

Shamshyan.com-ի տեղեկություններով օգոստոսի 24-ին, արտառոց դեպք է տեղի ունեցել Երևանում։ ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կենտրոնականի բաժնում տեղեկություն է ստացվել, որ 2024 թվականի սեպտեմբեր ամսին Երևանի բնակիչ 63-ամյա Գ․ Մ․-ն իր բնակարանում ձեռք է տվել Երևանի բնակիչ 43-ամյա Մ․ Պ․-ի անչափահաս դստեր սեռական օրգանին և մարմնի տարբեր մասերին։

Ինչպես հայտնում է ֆոտոլրագրող Գագիկ Շամշյանը, ըստ այդ տեղեկության հուլիսի 6-ից օգօստոսի 24-ն ընկած ժամանակահատվածում Գ․Մ․-ն և իր փեսա ոմն Գ․-ն, պարբերաբար կյանքի և առողջության դեմ ուղղված սպառնալիքներ են հնչեցրել Մ․Պ․-ի, Վ․Պ․-ի, վերջինիս մոր 73-ամյա Մ․ Հ․-ի  և վերջինիս բարեկամուհի 24-ամյա Ռ․ Ի․-ի հասցեներին։

Ոստիկանության Կենտրոնական բաժնի ծառայողների կողմից ձեռնարկված միջոցառումների շնորհիվ պարզվել է, որ փեսա Գ․-ն հանդիսանում է Երևանի բնակիչ 35-ամյա Գ․ Վ․-ն։

Դեպքի փաստով ոստիկանության Կենտրոնական բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական բաժին։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։