Մահացել է օպերայի և բալետի թատրոնի մեներգչուհի Գայանե Գրիգորյանը

Մահացել է օպերայի և բալետի թատրոնի մեներգչուհի Գայանե Գրիգորյանը

Մահացել է Սոպրանո Գայանե Գրիգորյանը, ով 90-ական թվականներին եղել է Ալ. Սպենդիարյանի անվան օպերայի և բալետի ազգային ակադեմիական թատրոնի մեներգչուհի:

Այս մասին տեղեկությունը հրապարակել է օպերային թատրոնի ֆեյսբուքյան պաշտոնական էջը:

«Հայաստանի օպերայի և բալետի թատրոնը խորը վշտով հայտնում է, որ երկարատև հիվանդությունից հետո մահացել է թատրոնի 90-ականների մեներգչուհի, սոպրանո Գայանե Գրիգորյանը:

Թատրոնի ամբողջ անձնակազմն իր ցավակցությունն է հայտնում Գայանե Գրիգորյանի ընտանիքի անդամներին և մտերիմներին»,-ասված է հաղորդագրությունում:

60-ամյա երգչուհին երկար տարիներ ապրում և ստեղծագործում էր Ֆրանսիայում: Մի առիթով նա նշել է, որ Ֆրանսիան այն երկիրն է, որտեղ ստեղծագործող անհատը կարող է մտածել, որ հենց այնպես զոհողությունների չի գնացել»։