Մահացել է հայտնի դերասան Դոնալդ Սաթերլենդը

89 տարեկանում կյանքից հեռացել է կանադացի դերասան Դոնալդ Սաթերլենդը։ Նա մահացել է երկարատև հիվանդությունից հետո։ Այդ մասին հունիսի 20-ին, հայտնել է նրա որդին՝ դերասան Կիֆեր Սաթերլենդը։

Սաթերլենդը մահացել է Մայամիում: Այլ մանրամասներ չեն հաղորդվում։

«Ծանր սրտով տեղեկացնում եմ ձեզ, որ հայրս՝ Դոնալդ Սաթերլենդը, մահացել է։ Անձամբ ես նրան համարում եմ կինոյի պատմության ամենակարեւոր դերասաններից մեկը։

Երբեք մի վախեցիր դերերից՝ լավ, վատ կամ տգեղ: Նա սիրում էր այն, ինչ անում էր և անում էր այն, ինչ սիրում էր, և դուք չեք կարող ավելին պահանջել լավ ապրած կյանքից», – գրել է նրա որդին՝ Քիֆերը X սոցիալական ցանցում:

Դոնալդ Սաթերլենդը դերասանական կարիերան սկսել է թատրոնում, իսկ հետո՝ կինոյում 1960-ականներին։ Նա իր առաջին դերերը ստացել է հիմնականում սարսափ ֆիլմերում՝ շնորհիվ աչքի ընկնող հասակի և ձայնի։ Նա ճանաչում է ձեռք բերել «Զինվորական հիվանդանոց» սեւ կատակերգության շնորհիվ, որը թողարկվել է 1970 թվականին։

Սաթերլենդը հատկապես հայտնի դարձավ «Քաղցած խաղեր» սագայում իր դերով, որտեղ նա մարմնավորեց նախագահ Կորիոլանուս Սնոուին։ Սաթերլենդը խաղացել է նաև «Հպարտություն և նախապաշարմունք», «Լավագույն առաջարկ», «Կլյուտ», «Մի նայիր հիմա» և շատ այլ ֆիլմերում։