Մահացել է դերասանուհի Անաստասիա Զավորոտնյուկը
53 տարեկանում երկարատև հիվանդությունից հետո մահացել է ռուս դերասանուհի Անաստասիա Զավորոտնյուկը։ Դերասանուհին մի քանի տարի պայքարում էր գլխուղեղի քաղցկեղի դեմ։
Զավորոտնյուկը խաղացել է նաև այնպիսի ֆիլմերում, ինչպիսիք են «Ապոկալիպսիսի ծածկագիրը», «Շեքսպիրը երբեք չի երազել», «Ժառանգը»:
2019 թվականի օգոստոսին մամուլում տեղեկություններ հայտնվեցին, որ արտիստի մոտ լուրջ հիվանդություն է ախտորոշվել։ Երկար ժամանակ նրա հարազատները ոչ մի մեկնաբանություն չէին տալիս, բայց հետո հաստատում էին, որ նա բուժվում է գլիոբլաստոմայից։
Դրանից հետո Զավորոտնյուկը դադարել է երևալ միջոցառումներին և սոցցանցերում։
Անաստասիա Զավորոտնյուկն ամուսնացած է եղել երեք անգամ։ Նրա առաջին ամուսինը գերմանական ծագումով ռուս գործարար Օլաֆ Շվարցկոպֆն էր, նրանք միասին ապրեցին մոտ մեկ տարի։
Գործարար Դմիտրի Ստրյուկովի հետ երկրորդ ամուսնության ժամանակ դերասանուհին դուստր է ունեցել՝ Աննային և որդի Մայքլը, և որոշ ժամանակ ապրել է երկու երկրներում՝ ԱՄՆ-ում և Ռուսաստանում։ Ստրյուկովից բաժանվելուց հետո Զավորոտնյուկը մոտ երկու տարի հանդիպում է իր «Իմ գեղեցիկ դայակ» զուգընկերոջ՝ դերասան Սերգեյ Ժիգունովի հետ։
2008 թվականին դերասանուհին ամուսնացել է գեղասահորդ Պյոտր Չերնիշևի հետ։ 2018 թվականին զույգը դուստր է ունեցել՝ Միլան։