Մահացածը 2 անչափահաս երեխաների մայր էր
Մահացածը 2 անչափահաս երեխաների մայր էր
Արարատի մարզի Սիս գյուղում այսօր՝ սեպտեմբերի 5-ին, վրաերթի ենթարկվելու հետևանքով մահացած 34-ամյա կինը Արցախից բռնի տեղահանված էր։
Սիս գյուղի վարչական ղեկավար Հրանտ Ալեքսանյանն Oragir.News-ի հետ զրույցում հայտնեց, որ բռնի տեղահանվելուց հետո կինը իր 2 անչափահաս երեխաների հետ բնակություն էր հաստատել իրենց գյուղում։
«Վրաերթի ենթարկվածը Սիս գյուղից չէր, բռնի տեղահանված արցախցի կին էր, 2 անչափահաս երեխայի հետ էր ապրում։ Երեխաներին ասել ենք, որ հիվանդանոցում է, չենք ասել, որ մահացել է։ Ինչքանով տեղյակ ենք, երեխաների հայրն այս պահին երկրում չէ։ Այժմ փորձում ենք նրա հետ կապի դուրս գալ։
Երեխաներն այս պահին տատիկ-պապիկի մոտ են»,- ասաց վարչական ղեկավարը։
