Հռոմի պապին 3 փամփուշտով ծրար են ուղարկել
Հռոմի պապին 3 փամփուշտով ծրար են ուղարկել
Միլանի մոտակայքում գտնվող Պեսկիերա Բորոմեո քաղաքում, փոստի աշխատակիցները 3 փամփուշտով ծրար են հայտնաբերել, որը հասցեագրված է եղել Հռոմի Պապ Ֆրանցիսկոսին, հաղորդում է իտալական մամուլը:
Ծրարը հայտնաբերվել է գիշերը՝ տեսակավորման ժամանակ: Դրա վրա երևացել է ձեռագրով նշված հասցեն՝ «Պապին, Վատիկան, Սուրբ Պետրոսի հրապարակ»։
9 մմ տրամաչափի 3 փամփուշտով ծրարն առգրավվել է ոստիկանների կողմից: Ենթադրվում է, որ այն ուղարկվել է Ֆրանսիայից։
![hromi pap](https://bavnews.am/wp-content/uploads/2021/03/hromi-pap.jpg)
Ինչպես նշում է Corriere della Sera թերթը, ծրարի ներսում նաև գրություն է եղել՝ Վատիկանում ֆինանսական գործարքների մասին հիշատակմամբ: