Հղի կինը Ճոճկանից ոտքով քայլելով, անտառներով հասել է Ալավերդու ԲԿ
Ալավերդու ԲԿ ևս մեկ հղի է տեղափոխվել, նա անտառով է հասել Բժշկական Կենտրոն: Այս մասին հայտնում է Ալավերդու Բժշկական Կենտրոնը:
«Ալավերդու Բժշկական Կենտրոնում ներկա պահին հսկվում է ևս մեկ հղի՝ Ճոճկան բնակավայրից: Մ. Հախվերդյանը նշում է, որ անտառով մեծ դժվարություններ հաղթահարելով հասել են ԲԿ: Նա սպասում է իր առաջնեկին»,-ասված է հաղորդագրության մեջ:
Ավելի վաղ հայտնել էինք, որ աղետի հետևանքով Ախթալա քաղաքից դժվարությամբ Ալավերդու ԲԿ տեղափոխված հղին ծննդաբերել է: Պտղի շահերից ելնելով, անմիջապես կատարվել էր կեսարյան հատում, ծնվել է 3760 քաշով և 53 հասակով առողջ տղա։
