Հիմա ես քեզ իմ ձեւով կմիջամտեմ․ Փաշինյան
ՀՀ վարչապետ Նիկոլ Փաշինյանը հանդես է եկել հայտարարությամբ, որը կարծես թե ուղղված է Տաշիր գրուպի սեփականատեր Սամվել Կարապետյանի վերջին գրառմանը։
«Ասում է, մենք մեր ձեւով ենք միջամտելու։
Հիմա ես քեզ իմ ձեւով կմիջամտեմ, ստահակ։ Ավելի ճիշտ՝ ձեզ»,-գրել է Նիկոլ Փաշինյանը։
Նշենք, որ հատուկջոկատայիններն այս պահին խուզարկություններ են իրականացնում գործարար Սամվել Կարապետյանի Երևանում գտնվող տանը։
Ամեն ինչ տեղի է ունեցել այն բանից հետո, երբ գործարար Սամվել Կարապետյանը, անդրադառնալով վերջին շրջանում իշխանությունների կողմից եկեղեցու նկատմամբ մղվող արշավին, ասել էր.
«Մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա։ Ես միշտ եղել եմ հայոց եկեղեցու կողքին ու հայ ժողովրդի կողքին։ Եթե քաղաքական գործիչներին չհաջողվի, ապա մենք մեր ձևով ենք միջամտելու եկեղեցու դեմ արշավին»։
